Monday , May 27 2019
Home / FNews / သစ်တောထွက်ပစ္စည်းများကို ခေတ်မှီသည့် နည်းပညာများအသုံးပြုပြီး သစ်အခြေခံစက်မှုလုပ်ငန်းတိုးတက်ရန် အတွက် တီထွင်ကြံဆကြိုးပမ်းရန်လိုအပ်

သစ်တောထွက်ပစ္စည်းများကို ခေတ်မှီသည့် နည်းပညာများအသုံးပြုပြီး သစ်အခြေခံစက်မှုလုပ်ငန်းတိုးတက်ရန် အတွက် တီထွင်ကြံဆကြိုးပမ်းရန်လိုအပ်

မြစ်မခ

ရန်ကုန်၊ ဒီဇင်ဘာ ၂၀ ရက်။

မြန်မာနိုင်ငံတွင် သစ်တောထွက်ပစ္စည်းများကို ခေတ်မှီသည့် နည်းပညာများအသုံးပြုပြီး သစ်အခြေခံစက်မှုလုပ် ငန်းတိုးတက်ရန်အတွက် အထောက်အပံ့ဖြစ်စေမည့် အသုံးချသုတေသနရလဒ်များရရှိစေရေး တီထွင်ကြံဆ ကြိုးပမ်းရန် လိုအပ်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ပြည်ထောင်စု ဝန်ကြီး ဦးအုန်းဝင်းက ပြောဆိုလိုက်သည်။

“သုတေသနရလဒ်များကို လက်တွေ့နယ်ပယ်တွင် အသုံပြုနိုင်ပြီး စီးပွားရေးအကျိုးရလဒ်များ ရရှိအောင် ကြိုး ပမ်းဆောင်ရွက်ကြရန် လိုအပ်ပါတယ်။ ဥပမာအားဖြင့် အပင်မျိုးစိတ်သစ်များ ရှာဖွေတွေ့ရှိစေရန်၊ အပင်မျိုး စိတ်များနှင့် ပါဝင်သည့် ဓာတုဒြပ်ပေါင်းများ စမ်းသပ်ဖော်ထုတ်ပြီး ဆေးဝါးထုတ်လုပ်ခြင်း၊ အလှကုန်ပစ္စည်းများ ထုတ်လုပ်ခြင်း၊ အစားအစာထုတ်လုပ်ခြင်း၊ အဖိုးတန်သည့် စက်မှုကုန်ကြမ်း ပစ္စည်းများထုတ်လုပ်ခြင်း၊ တစ်သျှူး နည်းပညာဖြင့် ပျိုးပင်များထုတ်လုပ်ခြင်း၊ သစ်အခြေခံစက်မှုလုပ်ငန်းအတွက် သစ်အသုံးချမှု နည်းပညာများကို ပုဂ္ဂလိကလုပ်ငန်းရှင်များထံ ဖြန့်ဝေခြင်းဖြင့် စီးပွားရေးလုပ်ငန်းများကို အထောက်အကူပြုနိုင်သည့် သုတေသန လုပ်ငန်းများ ဖြစ်ပေါ်လာအောင် ဆောင်ရွက်ရန် အားပေးတိုက်တွန်းလိုပါတယ်။” ဟု ပြည်ထောင်စုဝန်ကြီး ဦးအုန်းဝင်းက ပြောသည်။

နေပြည်တော်ရှိ သစ်တောသုတေသနဌာန ရေဆင်းစုဝေးခန်းမတွင် ဒီဇင်ဘာ ၁၉ ရက်က ကျင်းပသည့် သစ် တောသုတေသနဌာန နှစ် ၄၀ ပြည့်နှင့် နှစ်ပတ်လည် စာတမ်းဖတ်ပွဲ ဖွင့်ပွဲအခမ်းအနားတွင် ယင်းကဲ့သို့ပြော ဆိုခြင်းဖြစ်သည်။

သစ်တောသုတေသနဌာန၏ နှစ် ၄၀ ကာလအတွင်း သဘာဝတောများ ဖွံ့ဖြိုးတိုးတက်ရေး၊ သစ်တောစိုက်ခင်း များ ဖွံ့ဖြိုးတိုးတက်ရေး၊ အပူပိုင်းဒေသ စိမ်းလန်းစိုပြည်ရေး၊ သစ်များကို စနစ်တကျအသုံးချရေး၊ သစ်မှအပ အခြားသစ်တောထွက် ပစ္စည်းများ စနစ်တကျ အသုံးချရေးနှင့် လောင်စာစွမ်းအင်ကို ထိရောက်စွာ အသုံးချရေး တို့ကို အဓိကဦးစားပေး ဆောင်ရွက်ခဲ့ပြီး ခေတ်စနစ်အရ လိုအပ်လာသည့် ရာသီဥတုပြောင်းလဲမှု၊ ဇီဝမျိုးစုံမျိုး ကွဲ၊ ဇီဝနည်းပညာ၊ ရေအရည်အသွေးနှင့် လူမှုသစ်တောဆိုင်ရာ သုတေသနလုပ်ငန်းများကိုလည်း တိုးချဲ့ ဆောင်ရွက်ခဲ့ကြောင်း သိရသည်။

“လက်တွေ့နယ်ပယ်မှာ အသုံးချနိုင်မည့် သုတေသနလုပ်ငန်းများ ကျယ်ကျယ်ပြန့်ပြန့် ဆောင်ရွက်နိုင်ရန် ယခု နှစ်ပိုင်းများအတွင်း သစ်စေ့သိုလှောင်ခန်း၊ ဇီဝနည်းပညာ ဓာတ်ခွဲခန်း၊ တစ်သျှူးဓာတ်ခွဲခန်း၊ ဇီဝမျိုးစုံမျိုးကွဲ ဓာတ်ခွဲခန်းနှင့် ရေဓာတ်ခွဲခန်း အသစ်တည်ဆောက်ခြင်း၊ အကြီးစား ပြုပြင်မွမ်းမံခြင်း၊ ခေတ်မီဓာတ်ခွဲခန်းသုံး ပစ္စည်းများ ဝယ်ယူဖြည့်တင်းခြင်းများကို မိမိတို့ဌာန ရန်ပုံငွေအပြင် အပြည်ပြည်ဆိုင်ရာ အဖွဲ့အစည်းများ၏ အကူအညီနှင့်ပါ ဖြည့်ဆည်းဆောင်ရွက်ပေးနိုင်ခဲ့ပါတယ်။ နိုင်ငံအဝှမ်း ရေ၊ မြေ၊ ရာသီဥတုကွဲပြားသည့် ဒေသ အသီးသီးတွင် တည်ထောင်ထားရှိသည့် သစ်တောသုတေသနပြုလုပ်သည့် စခန်း ၁၀ ခုကို ပြုပြင်မွမ်းမံ ပေးနိုင်ခဲ့ပါတယ်။”ဟု ပြည်ထောင်စုဝန်ကြီး ဦးအုန်းဝင်းက ဆက်ပြောသည်။

အဆိုပါ သုတေသနစာတမ်းဖတ်ပွဲတွင် သစ်တောပညာရပ်များအလိုက် စာတမ်းစုစုပေါင်း ၂၂ စောင်ကိုဖတ် ကြားတင်သွင်းခဲ့ပြီး ပညာရပ်နယ်ပယ်စုံ သစ်တော၊ သတ္တုနှင့် ပတ်ဝန်းကျင်ထိန်းသိမ်းရေး ကဏ္ဍများ ဖွံ့ဖြိုးတိုး တက်ရေးအတွက် အထောက်အကူပြုနိုင်မည့် စာတမ်းများဖြစ်ကြောင်း သိရသည်။

စာတမ်းဖတ်ကြားခြင်း၊ ပုံနှိပ်ဖြန့်ဝေခြင်းဖြင့်သာ ကျေနပ်ရောင့်ရဲ မနေကြဘဲ နိုင်ငံတကာ သစ်တောသုတေသန ဂျာနယ်များတွင် ထည့်သွင်းဖော်ပြခွင့်ရရှိရေး၊ first author အဖြစ်နှင့် ထုတ်ဝေနိုင်ရေး၊ အပင်အမျိုးမျိုးနှင့် ငါး၊ အင်းဆက်၊ ပိုးမွှားစသည့် တိရစ္ဆာန်မျိုးစိတ် အသစ်များ ဖော်ထုတ်ရေးအတွက်လည်း ရည်မှန်းချက်ထား ကြိုးပမ်းရန်လည်း လိုအပ်ကြောင်း ပြည်ထောင်စု ဝန်ကြီးက ဆက်လက်ပြောဆိုသည်။

Check Also

မိုင်းဖုန်းဆရာတော် စေတီတည်မည့် ကွတ်ခိုင်မြို့အနီးရှိ လွိုင်ဆမ်ဆစ်တောင်ပေါ်သို့ နေ့စဉ်လူသောင်းနှင့်ချီ လာရောက်

  နောင် (မြစ်မခ) လားရှိုး၊ ဇူလိုင် ၉ ရက်။ ရှမ်းပြည်နယ် (မြောက်ပိုင်း) ကွတ်ခိုင်မြို့အနီးရှိ ပင်လယ်ရေမျက်နှာပြင်အထက် ပေ(၆၀၀၀)ဝန်းကျင်မြင့်သော မိုင်းဖုန်းဆရာတော် စေတီတည်ထားမည့် လွိုင်ဆမ်ဆစ်တောင်ပေါ်သို့ …